انا فيه فى دماغى شوية تساؤلات واجابتها هى "يسقط يسقط حكم العسكر" بس حبيت اعرضها عليكم عشان تقولوا للى مش عارف... احنا اتفرض علينا اننا نكمل فى الانتخابات لان الاغلبية الصامتة -اللى هنقولهم انشاء الله قريبا انتوا اللى خربتوا البلد-عايزين كده و اتركبت الثورة من الاخوان و السلفيين والاحزاب اللى باعت الميدان وهتتطلع من الانتخابات بلا حمص و ساعتها هيرجعوا الميدان بس احنا اتعلمنا خلاص و محدش هيركب على اكتافنا... لا املك غير انى اقول شعار "عيشوا بشرف جاتكوا القرف" و اعرفوا ان العسكر ميفرقش عن مبارك و مش هيسيبوا البلد زى ما احنا عايزين و بشروطنا و ممكن يسيبوها بس بشروطهم اللى تكفلهم الحماية الكاملة من اى مسألة و اسيبكم مع الاسئلة عشان مطولش عليكم ....
يعنى ايه ثورة اللى اتحبسوا منها بيتعاملوا احسن من اللى قاموا بالثورة
يعنى ايه ثورة يموت منها شباب من 11 شهر و حقهم لسه مجاش
يعنى ايه ثورة على 30 سنة مضت يحاكم المثار عليهم على 18 يوم فقط
يعنى ايه ثورة قام بيها الشباب يبقى اول مجلس شعب بعدها كله عواجيز
يعنى ايه ثورة يقوم بيها شباب عايز يعيش فى بلد نضيفة يخططلهم مستقبلهم عواجيز
يعنى ايه ثورة على نظام بلد يسمح لواحد زى توفيق عكاشة واحمد زبايضر انهم يظهروا على التلفزيون
يعنى ايه ثورة و ماسبيرو لسه زى ماهو بقياداته
يعني ايه ثورة و لسه النائب العام بتاع مبارك زى ما هو و متغيرش
يعني إيه ثورة نادت بالحرية و الكرامة الناس تلعنها و تصدق انها مخطط
يعنى ايه ثورة قالت عيش حرية عدالة اجتماعية و يقال ان احنا ماجورين
يعنى ايه ثورة يبقى فى اولها شباب طاهر و اخرها بلطجية بيخربوا البلد
يعنى ايه ثورة ضد نظام فشخ البلد 30 سنة يقعد معزز مكرم فى السجن - والله اعلم- و الشعب يتفشخ بره السجن
يعنى ايه ثورة قادها مدنيين يوجها عسكر
يعنى ايه ثورة شبابها يتحاكم عسكرى و المثار عليهم يخوفونا بان فلوسهم مش هترجع لو اتحاكموا عسكرى و يتحاكموا مدنى و برضو فلوسهم متجيش
يعني إيه ثورة في بلد بتبرر القتل و رمي الجثث في الزبالة عشان اللي ماتوا مكنوش متشيكين زي شباب ٢٥
يعنى ايه ثورة يقوم بيها مدنيين و يروح المشير يقول متفتكروش ان شباب الفيسبوك هما اللى عملوا الثورة احنا اللى عملنا الثورة
يعني ايه ثوره والفلول يمارسوا حياتهم السياسيه بمنتهي الحريه
يعنى ايه ثورة كانت الناس الغلابة بتزغرط و تعيط للشباب اللى نازل يوم 28 يناير و دلوقتى لو شافوا مسيرة يسبلهم ميت مله
يعنى ايه ثورة بطالب بحق الفقير فى العيشة الكريمة و يقعد يسب و يلعن فيها
يعنى ايه؟؟؟
يعنى ايه ثورة اللى اتحبسوا منها بيتعاملوا احسن من اللى قاموا بالثورة
يعنى ايه ثورة يموت منها شباب من 11 شهر و حقهم لسه مجاش
يعنى ايه ثورة على 30 سنة مضت يحاكم المثار عليهم على 18 يوم فقط
يعنى ايه ثورة قام بيها الشباب يبقى اول مجلس شعب بعدها كله عواجيز
يعنى ايه ثورة يقوم بيها شباب عايز يعيش فى بلد نضيفة يخططلهم مستقبلهم عواجيز
يعنى ايه ثورة على نظام بلد يسمح لواحد زى توفيق عكاشة واحمد زبايضر انهم يظهروا على التلفزيون
يعنى ايه ثورة و ماسبيرو لسه زى ماهو بقياداته
يعني ايه ثورة و لسه النائب العام بتاع مبارك زى ما هو و متغيرش
يعني إيه ثورة نادت بالحرية و الكرامة الناس تلعنها و تصدق انها مخطط
يعنى ايه ثورة قالت عيش حرية عدالة اجتماعية و يقال ان احنا ماجورين
يعنى ايه ثورة يبقى فى اولها شباب طاهر و اخرها بلطجية بيخربوا البلد
يعنى ايه ثورة ضد نظام فشخ البلد 30 سنة يقعد معزز مكرم فى السجن - والله اعلم- و الشعب يتفشخ بره السجن
يعنى ايه ثورة قادها مدنيين يوجها عسكر
يعنى ايه ثورة شبابها يتحاكم عسكرى و المثار عليهم يخوفونا بان فلوسهم مش هترجع لو اتحاكموا عسكرى و يتحاكموا مدنى و برضو فلوسهم متجيش
يعني إيه ثورة في بلد بتبرر القتل و رمي الجثث في الزبالة عشان اللي ماتوا مكنوش متشيكين زي شباب ٢٥
يعنى ايه ثورة يقوم بيها مدنيين و يروح المشير يقول متفتكروش ان شباب الفيسبوك هما اللى عملوا الثورة احنا اللى عملنا الثورة
يعني ايه ثوره والفلول يمارسوا حياتهم السياسيه بمنتهي الحريه
يعنى ايه ثورة كانت الناس الغلابة بتزغرط و تعيط للشباب اللى نازل يوم 28 يناير و دلوقتى لو شافوا مسيرة يسبلهم ميت مله
يعنى ايه ثورة بطالب بحق الفقير فى العيشة الكريمة و يقعد يسب و يلعن فيها
يعنى ايه؟؟؟
3 comments:
تحفة يا خالد بجد , يعنى ... انت رديت ع كل سؤال بيساله واحد بسيط مش فاهم ليه ثورة تانى و ليه تحرير تانى .. و عجبنى جدا كلمتك لكل واحد عايز يركب الثورة و يعيش الدور "عيشوا بشرف جاتكوا القرف !"
الناس غلابه ومفيش واعي والشباب اللي في التحريرالناس كرهتم لسببين الاول انهم متعالين علي الكل وليهم حق طبعا انا مش بلومهم بس الناس عاوزة اللي يفهمها واللي قايم بالدور ده للناس وسائل الاعلام وانت عارف كويس الاعلام عندنا وبرامج التوك شو كلهم ولاد وسخه من الاخر
السبب التاني اني الناس غلابه وعندهم مسئوليات وكل واحد كان متصور اني الثورة دي هتعمل اللي مايتعمل وده طبع برضه لاني مفيش واعي ومش عارفين اني لازم نضف الاول وبعد كده نبني
بس ان شاء الله بلدنا هتبقا احسن بلد واللي عاوزينه هو اللي هيحصل باذن الله
Post a Comment